الثلاثاء، 5 يوليو، 2011

أنا ليه نازل التحرير يوم 8 يوليو


أنا مش هانظّر ولا هاكتب فصحى لأن الموضوع مش مستحمل بصراحة. وهاقول نقط محددة:

· أنا نازل التحرير يوم 8 يوليو أقول للعسكر إن سرعة المحاكمات مطلب شعبي مش مطلب نخبة.

· أنا نازل التحرير يوم 8 يوليو أقول للعسكر والحكومة لو عايزين الاستقرار هاتوا اللي قتلوا ولادنا واخواتنا وانسوا إننا شعب ييجي بالقهر أو يفرط في كرامته علشان لامؤاخذة الاستكرار أو لا مؤاخذة برضه حجلة الإنتاج

· أنا نازل التحرير يوم 8 يوليو أقول للعسكر. إننا لم نحترمكم إلا لما أخدتوا جانب الثورة ولو أخدتوا أي جنب تاني مالمكش عندنا احترام

· أنا نازل التحرير يوم 8 يوليو أقول للجيش احنا بنكرهكم ولما حد بياخد إعفا بنبارك له بس خدناكم على قد عقلكم علشان عاقلين فبلاش تخلونا نتجنن. احنا جناننا وحش

· أنا نازل التحرير يوم 8 يوليو أعلّم على الضابط الكلب اللي شتمنا كلنا بأمهاتنا

· أنا نازل التحرير يوم 8 يوليو أقول للنخبة إن الحاجة الوحيدة اللي تخلي الثورة تنجح هي الشعب مش انتوا.

· أنا نازل التحرير يوم 8 يوليو أقول لسعادة الدكتور معتز عبد الفتاح ... فكك

· أنا نازل التحرير يوم 8 يوليو أقول لكل الناس "اللي بتفهم" إن هيبة الدولة مش معناها خيبة الشعب وإن الدولة اللي مش بتحترم مواطنيها مالهاش عند مواطنيها احترام



ليست هناك تعليقات:

إرسال تعليق